Гісторыя вёскі Вялікая Вобрына

History of the Vyalikaya Vobryna village

Гісторыя вёскі Вялікая Вобрына.

Там, дзе стаіць цяпер Вялікая Вобрына ў 1642 г. было невялікае племя. Калі паміж членамі племя пачалася маёмасная няроўнасць, быў выбраны старшыня племені - Дэль Обрынскі. Вёска была размешчана паблізу могілак, а дом, у якім жыў старшыня стаяў за вёскай (цяперашняй). Людзі рассяляліся, з кожным годам вёска расла ўсё больш і больш. Вёску назвалі па імені старшыны Обрынскага. Яна была значна большаю ў параўнанні з акружаючымі вёскамі. Пазней вёска была перанесена на цяперашняе месца з той метай, каб выраўняць адну лінію, а са Скорыч была перакапана ў Ярэмічы канава для злучэння з Нёманам, па якой перавозілі збожжа ў Ярэмічы, а адтуль у Германію. Пазней тут быў славуты князь Ваштэйн, які ўладаў часткаю Беларусі, Украйны і Літвы. Пазней улада перайшла ў рукі палкоўніка Вяцкага, родзіча Ваштэйна. Праз некалькі год з Аўстрыі з'явіўся Кашыц. Ён быў добра знаёмы з Раецкім. Кашыц адклаў сялян вялікімі падаткамі. Аднаго разу ў гэтай мясцовасці праходзілі салдаты царскай арміі, на карце яны шукалі вёску Добрына, а па-свойму называлі яе Вобрына. З гэтага часу і пачалі называць “Вялікая Вобрына“. Хутка быў дан прыказ аб надзеле сялян зямлёй. Сяляне мелі права карыстацца зямлёй, пашамі, лугамі, а не мелі права да панскага лесу і сенажаці. Яны арганізоўвані бунты за несправядлівасць, адносіны паноў да іх. Свядомасць сялян абудзілася. У нашай мясцовасці адбыліся высечкі панскіх лясоў. Сяляне самавольна пасвілі скаціну на панскіх лугах. У 1926 г. памёр Кашыц, маёнтак пераходзіць у рукі сына - Фелікса. У 1939 г. Усходняя Беларусь злучылася з Заходняй, у выніку чаго была ўстаноўлена савецкая ўлада. Сяляне нашай вёскі ў студзені 1949 г. утварылі калгас, стварыўшы адзіную брыгаду. Вялікая Вобрына належыць да калгаса імя У. З. Царука.